Trausti fasteignasala og Hallgrímur Hólmsteinsson löggiltur fasteignasali kynna Valhúsabraut 21, Seltjarnarnesi, fallega, bjarta og vel skipulagða hæð á jarðhæð í þriggja íbúða húsi, ásamt bílskúr. Húsið er að hluta til nýlega klætt að utan og hefur fengið gott viðhald í gegnum tíðina.

Íbúðin sjálf er skráð 136,5 fm hjá HMS og bílskúrinn 25,8 fm, eða samtals 162,3 fm.

Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið [email protected].

Nánari lýsing eignar:
Komið er inn á flísalagt anddyri með stórum og rúmgóðum fataskáp. 
Stofa og borðstofa eru með parketi á gólfi og útgengt er frá stofu út á rúmgóðar svalir.
Eldhúsið er stórt og rúmgott með fallegri dökkri og hvítri viðarinnréttingu, korkur á gólfi.
Inn af eldhúsi er þvottahús og búr, korkur á gólfi.
Baðherbergi er með fallegri ljósri viðarinnréttingu og sturtuklefa, flísalagt gólf og veggir.
Hjónaherbergið er rúmgott og bjart, með dúk á gólfi og góðu skápaplássi.
Barnaherbergið er rúmgott og með góðum skáp, parket á gólfi. Mögulegt er að breyta herberginu aftur í tvö minni herbergi. 
Úr stofunni er gengið niður hringstiga og er herbergi til vinstri þegar komið er niður og rúmgóð geymsla til hægri. Út úr geymslu liggur hurð og er útgengt út í garðinn þaðan. 
Bílskúrinn er með sjálfvirkri hurðaopnun og er bílastæði fyrir framan hann en hann er á tveim hæðum. Heitt og kalt vatn er í bílskúrnum og tengi fyrir hleðslustöð. 

Valhúsahæðin, sem er beint framan við húsið er friðuð, þannig að það verður ekki byggt þar og þetta er náttúruparadís sem er vandfundin hér á höfuðborgarsvæðinu. Þessi hluti Valhúsabrautar er botnlangi og umferð um götuna er ekki önnur en íbúar götunnar.

Yfirlit helstu framkvæmda:
2009: Júní, allt húsið málað mjög vel, líka sílanborið (Fínka ehf). Öllu lokið 27.7. Þakrennur
og niðurföll endurnýjuð
2009: Nýr stilliloki á húshitakerfi settur upp
2009: Þakið háþrýstiþvegið og málað
2010: Dyrasímakerfi endurnýjað
2010: Ný klæðning á bílskúrshurðirnar allar og fjarstýring endurnýjuð
2011: Eldvarnarhurð sett í kjallara
2011: Skipt um forhitara, þenslukar, hringrásardælu fyrir miðstöðvarofnana og hitastillikrani
endurnýjaður. Forhitari stækkaður til betri nýtingar vatnsins.
2011: Nýr stærri forhitari fyrir neysluvatn og nýr hitastilliloki.
2013: Nýtt þak sett á húsið, nýr þakpappi, ný aluzink klæðning og nýir loftháfar, upphafleg
timburklæðningin og þaksperrur (burðarvirki) voru algjörlega lausar við fúa.
2014: Stálhandrið sett upp v/tröppur í kjallara og sorpgeymslu
2020: Þak málað
2024: Húsið klætt að utan að hluta

Um er að ræða afar fallega og reisulega eign á frábærum stað á Seltjarnarnesinu með gott útsýni. Stutt í alla verslun og þjónustu, t.a.m. við Eiðistorg og Granda. Sundlaug  Seltjarnarness og líkamsræktarstöð í göngufæri ásamt grunnskólum (Mýrarhúsa- og Valhúsaskóla). Leikskólar í göngufæri (Sólbrekka og Mánabrekka) og dagmamma í götunni. Stutt er í íþróttasvæði Gróttu og KR og fallegar göngu- og hjólaleiðir. Náttúruperlan Grótta og fjaran er í göngufæri. Fjölskylduvænt umhverfi í alla staði – sennilega það besta á höfuðborgarsvæðinu. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið [email protected].
Vakin er athygli á að Hallgrímur Hólmsteinsson löggiltur fasteignasali á Trausta fasteignasölu er tengdur eiganda Valhúsabrautar 21 fjölskylduböndum, seljandinn er bróðir Hallgríms. 

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Trausti fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.