Kristján Baldursson hdl.

löggiltur fasteigna-, fyrirtækja- og skipasali, löggiltur leigumiðlari
Vegmúla 4, 108 Reykjavík 546-5050
Öldugata 16, 101 Reykjavík (Miðbær)
Tilboð
Einbýli
6 herb.
317 m2
Tilboð
Stofur
3
Svefnherbergi
5
Baðherbergi
5
Inngangur
Sér
Byggingaár
1927
Brunabótamat
129.930.000
Fasteignamat
143.600.000

Trausti fasteignasala kynnir eitt af glæsilegri og virðulegri húsum Reykjavíkur, Öldugötu 16, í einkasölu. Húsið er á þremur hæðum og er alls 317,6 fm. samkvæmt Þjóðskrá Íslands. Húsið, sem stendur á stórri hornlóð við Öldugötu og Ægisgötu, er steinað að utan með hrafntinnu og silfurbergi sem gefur því einstakt útlit og yfirbragð. Myndskreytingar eru eftir Grétu Björnson listmálara.
 
Nánari lýsing eignar:
 
Komið er inn á marmaralagt og viðarklætt anddyri með góðum sérsmíðuðum skáp úr mahony viði, en sá viður er ríkjandi í klæðningum og innréttingum hússins. 
Innaf anddyri er komið inná parketlagt hol með skemmtilegu stjörnumynstri og þaðan er gengið upp stórglæsilegan mahony stiga uppá aðra hæð. Í holi er lítil gestasnyrting.  
Úr anddyri er gengið til stofa, fyrst er stór bókastofa, stór dagstofa er þar við hliðina og loks stór og falleg borðstofa. Gegnheilt eikarparket með fiskibeinamynstri er á borðstofu og bókastofa er með stjörnulaga mynstri í parketinu. Dagstofan er teppalögð ljósu teppi. Á milli stofanna eru rennihurðir ísettar einstaklega fallegu slípuðu gleri í litlum frönskum gluggum. Aukin lofthæð er á hæðinni. 
Innaf borðstofu er eldhús með eldri snyrtilegri innréttingu og lítið búr eða köld geymsla er þar við hliðina. Útgengt er út í garð úr eldhúsinu.
Á annarri hæð eru tvö svefnherbergi, lokuð af með afar fallegum hurðum ísettum litlum frönskum gluggum. Úr gangi er útgengt út á svalir þaðan sem útsýni er mikið yfir Miðbæinn og Vesturbæinn. 
Annað svefnherbergið er stórt hjónaherbergi og stórt parketlagt baðherbergi. Með hinu svefnherberginu er stórt baðherbergi með gufubaði og sturtuklefa. Gegnheilt parket er á öllum herbergjum. 
Úr örðum ganginum er niðurdreginn stigi uppá stórt risloft sem í dag er vínkjallari núverandi eigenda. Mikið geymslupláss er undir súð á risloftinu.  
Á neðstu hæð hússins er íbúð með sérinngangi þar sem komið er inná flísalagt anddyri og er þaðan opið inní eldhús.
Eldhúsið er með fallegri innréttingu og borðkrók.
Gangur er frá anddyri í þrjú herbergi sem í dag eru tvö svefnherbergi og stofa
Baðherbergi er innst í ganginum, flísalagt og með sturtuklefa.
Þvottahús er inná hæðinni en þaðan er útgengt út í garðinn.
Garður hússins er sannkallað listaverk þar sem mosavaxnir steinar umlykja falleg blómabeð og tré. Í fullum sumarskrúða er þetta einn af fallegri görðum þessa gamalgróna hverfis. Í garðinum framan við húsið er lítill gosbrunnur miðju steinhlaðins blómabeðs sem setur punktinn yfir þennan stórbrotna garð.
Bílskúrinn við húsið er 40 fm samkvæmt Þjóðskrá Íslands. Hann er klæddur sömu klæðningu og húsið, úr hrafntinnu og silfurbergi. Bílskúrinn þarfnast gagngerra endurbóta.
Húsinu hefur verið vel við haldið í gegnum tíðina og nýverið var skipt um rennur og niðurföll á öllu húsinu. Allir gluggar hafa verið verið uppgerðir og nýtt gler sett í. Þak hússins er klætt fallegum rauðlituðum steini. Komið er að viðhaldi á þakinu en það lekur ekki að sögn eigenda. 
Saga þessa húss er hluti af sögu Reykjavíkur en henni er lýst afar skemmtilega af Guðjóni Friðrikssyni sagnfræðingi og sérfræðingi í sögu Reykjavíkur. "Öldugata 16 er eitt af allmörgum glæsilegum einbýlishúsum í Vesturbæ Reykjavíkur sem Þorleifur Eyjólfsson, fyrsti íslenski arkitektinn sem lærði í Þýskalandi, teiknaði. Þetta að vísu ásamt Sigurði Péturssyni byggingafulltrúa. Þorleifur kom frá námi 1924 og bera elstu hús hans eins og þetta frá 1925 merki þýskrar húsagerðarlistar, sem þá var efst á baugi með ákveðnum áhrifum frá nýklassík og jafnvel jugend og háreistum brotaþökum með baroksniði. Húsbyggjendur voru hjónin Guðmundur Jensson, annar aðaleigandi Nýja bíós, og Sigríður Sigurðardóttur. Guðmundur lést árið 1968 og tíu árum síðar seldi ekkjan húsið. Kaupendur voru hjónin Ebenesar Ásgeirsson og Ebba Thorarensen kaupmenn í Vörumarkaðinum. Þau seldu Karli J. Steingrímssyni húsið árið 1988 og átti hann húsið í nokkur ár. Nú í ríflega 20 ár hafa húseigendur hins vegar verið dr. Kesara Jónsson frá Thaílandi, prófessor í grasafræði og plöntuerfðafræði við Háskóla Íslands, og maður hennar Friðrik Ragnar Jónsson verkfræðingur, forstjóri alþjóðlegs fyrirtækis í pappírsendurvinnslu og pappírsmótun.“
 
Hér er á ferðinni einstakt og glæsilegt hús sem vert er að skoða. Sjón er sögu ríkari og hvetjum við áhugasama um að setja sig í samband við Hallgrím Hólmsteinsson, aðstoðarmann fasteignasala í síma 896-6020 eða [email protected] og Kristján Baldursson hdl. og löggiltan fasteingasala í síma 867-3040 eða [email protected]

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Trausti fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.